هل تعتز بنفسك ؟؟؟

[3beda]

بسم الله الرحمان الرحيم
أنا اعتز بديني وعروبتي بس صحي الواقع أليم
ولكن هاي سنة الحياة
وانا راضي بقدر الله لي بس نحنا لازم نقدم لامتنا حتى ننهض
ومشكورى على ها الموضوع عندي رد اطول بس بعتذر الوقت داركني

[شمس]

بسم الله الرحمان الرحيم
أنا اعتز بديني وعروبتي بس صحي الواقع أليم
ولكن هاي سنة الحياة
وانا راضي بقدر الله لي بس نحنا لازم نقدم لامتنا حتى ننهض
ومشكورى على ها الموضوع عندي رد اطول بس بعتذر الوقت داركني

تسلم اخي على مرورك وطرح آرائك اعجبني كتير تقبل الواقع في كلامك حيث نحن نعترف بواقعنا الاليم ولا ندفن رؤسنا في الرمال كالنعام وفي نفس الوقت ان علينا ان نواجه هذا الواقع ولا يكون الوحش الذي نهرب منه مخافة ليلتهمنا ، فنحن بالفعل من سوف ينهض بالامة

سعدت كتير بردك خيو واذا حبيت المرور باي وقت تكمل رايك اكيد اكون مرحبة
جزاك الله خيرا

[THE FIRST OF ME]

والله انا فخور وبعتز بكل شي فيني
بس هل هاد يعني مفروض علي افخر بعربيتي واردد الموال يلي ما بتوقف اذاعاتنا عن ترديدو
انافق وامسح جوخ واضرب وطنيات وقوميات حتى اطلع كويس وحباب
لأ يا سيدي ماراح اخفي وما خفيت في يوم من الايام باني ما بفخر بهالعروبة يلي نفرضت علي فرض اي مااااااااااا بفخر
وليه بدي أفخر وكل هالذل وكل هالضعف من ابناء هالعروبة وليه بدي افخر وكل هالكبت وكل هالظلم وكل هالحيونة وكل وكل وكل من أبناء العرب
أنا بدي افخر والله حابب افخر كتير بس عشي مستاهل افخر في
أنا بدي افخر بيلي بيعطيني حريتي في التفكير بالعبادة وحريتي بالحكي
أنا بدي افخر بيلي بأمنلي الأمن والحياة الكريمة انا بفخر بس اشعر اني انسان عايش بشوية كرامة
انا بدي أفخر بس والله ما عبقدر
ولهشي بتمنى انكن تفخرو عني فانا ما بدي افخر حاليا بصراحة
صوتت من زماااان شكرن

بصراحة عجبتني مشاركتك يعني كتير قوية و انا معك بأغلبها
بدك الحرية بالتعبير بدك الحقيقة هالأشياء ما في مجتمع بيعطيك ياها
يعني الكل بلا مؤاخذة بيشترو الحقيقة و ببيعو الكذب هذه الطبيعة الانسانية
اما الأبناء العرب بس طبعا ما الكل أكيد المهم ما حدا مدور اذا بتحكّي حدا من شي دولة عريبة بعيدة عنا شوية بفكرنا عايشين بكهوف او بشي منطقة نائية ,
و أكيد متل ما قلت حريتنا مقيدة بس أحيانا هذا القيد هوه يلي بيعطينا شوية تميز اذا فينا نقول هيك شي و هذا من منطلق هالجملة (هل في حياتك عشت بحب مع المرض يلي بخليك تتألم؟) و لا حدا يطلب مني أشرح هالشي يلي مأكتبو لأنو ما بينشرح هذا بس لازم تحس فيه ما أكتر هذا اذا كنت بتقدر.
اما موضوع الكرامة يعني ما بتصور انو الكرامة مسلوبة منا لأني حسب ما بعرف كرامة الانسان مستحيل حدا ياخذها منووو غصبا عنوو ولا انا غلطان؟
كمان قولتك ما في شي ظاهر فينك تفخر فيه , اما ما في شي مستاهل تفخر فيه ما بصير لانو هالشي قتل كل الخيارات يلي عنا ياها لهيك الافضل انو الواحد يلاقي شي فكرة مقتنع فيها و بحبها و مستعد يضحي ميشانها حتى يفخر فيها .و ما في داعي حدا يعرفها لانو يمكن الاشخاص يلي رح يشتركو معك فيها ما بحبوها بالقدر يلي بتحبها انت لهذة الفكرة فيهك رح يتسببو بأخطاء انت بغنى عنها و يمكن تخليك هالأخطاء تكرة هالفكرة يلي بتحبها.
رجعت على الكلام المانو موزون و لافايت بالحيط شو هذا ما عم اعرف عبر
لو كان معي طريقة الاخت ُيمن بالكتابة و التعبير كان مشي حالي و عرفت وصل الفكرة
لأنو جد مبدعة و اخر جملة كتبتها انا معها بهذه النقطة (لا تعليق)

قصة العروبة وهي القصص اللي للاسف عم تاخد منحى سياسي اكتر ما هو انتمائي انا ماني حابة احكي فيها لانو بصراحة بحس النقاش فيها عقيم !!!!!!

ويسلمو على الموضوع كتيير ..

[Hope]

الحمداللة على كوننا عرب ونتكلم لغة القران والحمدالله على نعمة الاسلام اللي فضلنا فيها رب العالمين عن غيرنا اللهم اعز الاسلام والمسلمين . اميييييييييين
مشكورة شمس عالموضوع وهي تصويتي

[شمس]

[QUOTE=THE FIRST OF ME;114385]
بصراحة عجبتني مشاركتك يعني كتير قوية و انا معك بأغلبها
بدك الحرية بالتعبير بدك الحقيقة هالأشياء ما في مجتمع بيعطيك ياها
يعني الكل بلا مؤاخذة بيشترو الحقيقة و ببيعو الكذب هذه الطبيعة الانسانية لا تعليق

و أكيد متل ما قلت حريتنا مقيدة بس أحيانا هذا القيد هوه يلي بيعطينا شوية تميز اذا فينا نقول هيك شي و هذا من منطلق هالجملة (هل في حياتك عشت بحب مع المرض يلي بخليك تتألم؟) لكنك من الالم بتقوى وبتقاوم لحتى تشفى ما بتستسلم لتموت
اما موضوع الكرامة يعني ما بتصور انو الكرامة مسلوبة منا لأني حسب ما بعرف كرامة الانسان مستحيل حدا ياخذها منووو غصبا عنوو ولا انا غلطان؟ لا مو غلطان
كمان قولتك ما في شي ظاهر فينك تفخر فيه , اما ما في شي مستاهل تفخر فيه ما بصير
شكرا اخي سعدت بمشاركتك كتيروكيف بتقول ما بتعرف تعبر انت خير تعبير ولكن باسلوب الاطناب شرح وافي
جزاك الله خيرا على نقاشك الفعال

[شمس]

الحمداللة على كوننا عرب ونتكلم لغة القران والحمدالله على نعمة الاسلام اللي فضلنا فيها رب العالمين عن غيرنا اللهم اعز الاسلام والمسلمين . اميييييييييين
مشكورة شمس عالموضوع وهي تصويتي

تسلمي هوب على مرورك ومشاركتك الموضوع وجزاك الله خيرا

اللهم اعزنا بالاسلام واعز الاسلام بنا

قال تعالى ( ياايها الذين آمنوا منيرتد منكم عن دينه فسوف يأتي الله بقوميحبهم ويحبونه أذلة على المؤمنين أعزة على الكافرين يجاهدون في سبيل الله لا يخافون لومة لائم ذلك فضل الله يؤتيه من يشاء والله واسع عليم ) سورة المائدة اية 54

[subzerO]

لا شك أني أعتز بديني ... والله يثبتنا يارب
ممكن أني اعتز بأخلاقي .. يلي إلها أصل عربي
بس عروبتي... لو كنت على الزمان الأول كنت اعتزيت فيها أكيد
بس هلأ ... للأسف لأ

هي النقطة مو كتير مهمة اني كون عربي ولا أجنبي ... المهم أني كون صح

ما رح صوت على شي
ولكن تقبلي رأيي ومروري
وبتشكرك عالموضوع